Prins Rafael d’n ierste & Prinses Sem d’n ierste
2020 Rafael d’n ierste & Sem d’n ierste
Rafael Biesmans & Sem Pieters
Aofgeloupe zoondag, 09 fibberwarie, is in eus gemeinsjapshoes “de Klaekeburg”, oonder groete belangstèlling vaan versjèllende zustervereiniginge. `t prinseköppelke 2020 vaan Cv de Kikkers oetgerope.
Zjus wie ut volk vaan Heugem en Randwyck waore ouch CV. de Waterratte, mèt hunne Hoeglöstegheid Prins Bas 1e en Prinses Doree in hun midde, getuige vaan dit bezunder en benkeleke momint.
Zie woorte, oonderwijl zie in de sjaolklas zaote, mèt `n oontruiming geconfronteerd door `n brandalerm. Oonderwijl de klas leeg leep kös euz moiljaan, Denis, ut gedruimde Prinseköppelke nog zjus tege hawwe um zie toen es…..
Prins “ RAFAEL 1ste ” proclemasie
vaan de Electronstraot, lienhier vaan SBO de Talententuin, oonderdeil vaan sjaole gemeinsjap Mosa, besjermhier vaan de speulers JO-IO vaan VV Scharn
Prinses “SEM 1ste “ proclemasie
Graovin vaan de Heugemerstraot, hittepetit vaan `Kindcentrum Anne Frank` “Besjermvruiwke” vaan de voetbal-meidskes vaan RKHSV en speciaol de speulers vaan JO10-2 , woorte oetgerope um es zoedaoneg de jäög vaan Heugem/ Randwyck en wied dao boete, veur zalle goon in de Vastelaovend vaan 2020.
Prins “RAFAEL 1ste “ is bijnao 11 jaor en zit in gróp 7 vaan SBO de Talententuin, oonderdeil vaan sjaole gemeinsjap Mosa Lira.
Ein vaan zien groetste hobbie`s is voetballe. Heer späölt bij vv Scharn JO 11. Wijer gamen op de playstation, ravotte op straot en ut viere vaan de jaorlekse Vastelaovend,
Heer luustert nao de naom Rafael Biesmans en woent mèt zien pap en mam (Bjorn Biesmans en Denise Moust), in de Electronstraot in Hier.
Veurtot heer bij de Kikkers is gekoume waor heer lid vaan de Sjraveleers.
Prinses “SEM 1ste ” is 10 jaor en zit op Kindcentrum Anne Frank, oonderdeil vaan sjaole gemeinsjap Mosa Lira, in gróp 6 bij Juf Chantal. Häöre groete hobbie is voetballe, zie späölt bij RKHSV JO-10, wijer Tiktok danskes oetperbere op speciaole meziek. Aofspreke mèt vrundsjes en vrundinnekes is heur neet vreemp.
In ut börgelek leve luustert zie nao de naom Sem Pieters woent met häör pap en mam (Donny & Sabrina) en brood Milan in de Heugemersstraot.
Haore pa waor in 2016 Prins Donny 1e vaan cv. de Waterratte en haor broor in 2018 es Milan 1e bij cv. De Kikkers.
Verleef op Mestreech
Verleef op Mestreech
Lyrics
Refrein:
Och wat is ’t hei toch fijn mèt z’n alle hei bijein
Mestreech … iech bin verleef
Mèt z’n alle d’r op oet in dee groete rijaloet
Mestreech …boe iech um geef
Huur iech de hermeniekes speule: krijg iech ’t in de kop
Krijg iech euveral sjevraoje, kin niks aanders tegenop!
Iech veul miech zoe gelökkeg, bin blij tot iech hei leef
Mestreech … iech bin verleef!
Couplèt:
Eus stad zit vol tradities, dao is altied get te doen
Meh ’t sjoenste vaan dit alles: ”Vastelaovend spant de kroen”
Daan zien veer neet te hawwe, trèkke vaan bal nao bal
Zoe goon veer daan op weeg nao de Mestreechter carneval
Dee vastelaovend is zoe sjoen …
Iech bin zoe gruuts tot iech hei woen!!