2023 Prins Fen d`n ierste en Prinses Sky d`n ierste

Fen Janssen & Sky Goedkoop

Aofgeloupe zaoterdag, 21 fibberwarie, is in eus gemeinsjapshoes “de Klaekeburg”, oonder groete belangstèlling vaan versjèllende zustervereiniginge, tèllevisie en de gezèt` `t zjubilei prinseköppelke 2023 vaan Cv de Kikkers oetgerope. Zjus wie ut volk vaan Heugem en Randwyck waore ouch Cv de Waterratte, mèt hunne Hoeglöstegheid Prins Bob 1ste mèt zien sjarmante Prinses Mandy in hun midde, en `n dillegatie vaan de Tempeleers getuige vaan dit bezunder en benkeleke momint.

Nao `n sjieke “Disco” opening act met `t motto “Vaan aaijd naor nuij, vaan aaijd naor joonk naor ön splinternuij Prinsepaar en neuije raod”…oetgedrök in `ne dans door de aw garde en door de Jäög vaan dansgroep Oxygen. Dit alles symboliseert de weeg trök nao 2 jaor “stil stoon” veur eus vereniging mer ouch veur hiel veul aander jeugd carnavalsverenigingen, woort door uzze moeljaan Versj `t zjubilei prinsekoppel van Heugem Randwyck En Groet Mestreech aon `t volk geprizenteert.

Nao ’t installere vaan ’t prinsepaar door de Waterratte, woort ’t Jäöghoeglöstigpaar door de Tempeleers oug geinstalleerd és ierste Jäöghoeglöstigepaar vaan Groet Mestreech.

Prins “Fen 1ste (proclemasie)
Graof vaan de Menthabeemd,
Lienhier vaan’ Kindcentrum Anne Frank’,
Besjermhier vaan de speulers JO11-1 vaan RKHSV.

titles Tempeleers
Liechtend veurgenger vaan ‘t nuie leech,
Protectäör vaan de Mestreechter Jäög Vastelaovend

Prinses “ Sky 1ste (proclemasie)
Graovin vaan de Oosterweertlaan,
Hittepetit vaan `Kindcentrum Anne Frank`
Besjermvruiwke vaan de Scouting Fons Olterdissen meh speciaol vaan de Shanti’s

titels Tempeleers
Liechtend veurgengster vaan ‘t nuie leech,
Protectäör vaan de Mestreechter Jäög Vastelaovend

Zie zalle de jäög vaan Mestreech, Heugem / Randwyck en wied dao boete, veur goon in de Vastelaovend vaan 2023.

Prins Fen 1ste
“ is 9 jaor en zit in gróp 6 vaan Kindcentrum “Anne Frank”, oonderdeil vaan sjaole gemeinsjap Mosa Lira. Ein vaan zien groetste hobbie’s is voetballe. Heer späölt bij RKHSV JO11-1. Daoneve is heer beij elke thoes wedstreid vaan Us MVV-ke te vinde. Wijer gamen op de playstation, ravotte op straot.

Heer luustert nao de naom Fen Janssen en woent mèt zien pap en mam Roy en Sanne, broor Raf en zusterke Lot in de Menthbeemd 7. Vastelaovend is heum neet vreemp, ziene pap waor in 1990 Kikkerprins Roy 1e

Prinses Sky 1ste
is 10 jaor en zit op Kindcentrum “Anne Frank”, oonderdeil vaan sjaole gemeinsjap Mosa Lira, in gróp 6. Zie is lid vaan Scouting Fons Olterdissen bij de Shanti’s. Häör hobbies gamen, leze en films vaan Harry Potter kieke. Aofspreke met vrundinnekes is heur neet vreemp. Heure groete dreum um prinses te weure kump oet.

In ut börgelek leve luustert zie nao de naom Sky Goedkoop, woent met häör mam Mandy, breurke Jaylee en hunneke Myra in de Oosterweertlaan 64.