2023 5X11+1 Zjubilei

💚💛💚💛💚💛💚💛💚💛💚💛💚💛💚💛💚💚💛💚💛💚💛💚💛💚💛💚💛💚💛💚💛💚💚💛💚

 

Begin 2023 roepe veer uzze5x11+1 zjubilei prinsekoppel oet......................................................

 

 

 

 

 

Heugem - Randwyck 22-01-2022

Peersberiech CV de Kikkers veur ut vollek vaan Heugem en Randwyck

Zoe wie eeder jaor zien veer, CV de Kikkers, druk bezig met de veurbereiinge veur ut oetrope vaan us (5x11 zjubilei) prinsepaar. Veureg jaor seizoen 2021 is neet door kinne goon door de pandemie en de toen geldende maotregele. Nao lang wikke en weege, wachte op versoepelliinge, vaol euverlèk oonderling en mét't jaog SMV höbbe ver tog moote besjlete gein prinsekoppel oet te rope.
'T Is helaas neeijt meugelik um nog langer te wachte ivm de veurbereijinge. Daoneve höbbe n aontal jaogvereinige aongegeve gein activiteite te zulle organisere.

Dit beteikent dat us zjubileijaor verplaots weurt nao 't volgend seizoen 2023
Officieel blieve prins Rafael en prinses Sem os huidige Prinsepaar.

Wat is wel meugelek.....

Vastelaovend zit in die blood en deit diech zeker oug ins goot..... en kint niemes diech aofnumme. Verseerd eur hoezer, raome en gevels öm dit te laote blieke. Veer höbbe kikkervlage laote make en dees zien te koup bij de veurzitter Jean Herben veur 15 euro. 'T zow sjiek zien es eederein de vlag aonsjaf en oethink.

Ger höb meugelik geleze op de sociale media tot de Tempeleers wel 'ne prins oetrope mits de maotregele dat towstoon. Moch dit zoe zien daan zalle de Kikkers hei wel aon deilnumme, dat geldt ouch veur d'n optoch.

Hopende op eur begrip, weense veer uuch alvas, oondaanks de pandemie, 'n hiel gezoond en 'ne (aongepasde) sjieke vastelaovend 2022 tow.

Naomes ut Bestuur cv de kikkers
haw uuch gezoond

💚💛💚💛💚💛💚💛💚💛💚💛💚💛💚💛💚💚💛💚💛💚💛💚💛💚💛💚💛💚💛💚💛💚💚💛💚