Off Canvas

 

prinse en prinsesse

vaan 1968 tot hede, 1982, waor `n speciaol jaor!!, in dit jaor hadde de kikkers veur de ieste kier `n prinsepaar. `T jaor daonao (1983 + 1984) weer `ne prins, mè vaanaof 1985 alein nog mer prinsepare

Aofgelaope zoondag 23 jannewarie 2005 woort in de Kikkertempel ut 38 ste kikkerpaar oetgerope.


Nao tot de ingeheurde sjefkok Will un heerlik bammeke veur hun had klaor gemaak woorte de naome vaan de kinder bekind gemaak.
Euver ut kikkerriek in 2005 goon regere

Prins Angelo d`n 1ste en Prinses Denise d`n 2de
 
Angelo Brouns woont same mèt zien awwers Roell en Lilian en twie
breurkes Dominique en Moreno aon de Heugemerpastaorstraot 14.
Zien hobbies zien voetballe, trommele en playstation.

Denise Urlings woont euver de brök aon ut Plantijndomein 18 same
mèt heur awwers Dré en Carla heur zuster Nadine. Zie deit väöl zwumme en heet saxefoonles bij de herremenie.  Aog is ze unne groete fan vaan Ajax.

Veer winse hun väöl sterkte de kaomende weke en hiel väöl plezeer in deze leuke tied.

Veer bedaanke ’t Bammeke veur de sponsering

Perfiesia vaan `t bestuur en lede vaan de J.H.R.

 

Laot de zon ....(N. Heutz en R. Grootars)

Refrein:

Laot de zon in dien hertsje meh sjijne
Touver noe ‘ne lach op die geziech
Laot dien zörg wie de wolke verdwijne
Kom noe zing en dans die drei daog laank mèt miech
Laot de zon in dien hertsje meh straole
Jao de leefde die bleujt veur us twie
Ech gelök is mèt goud neet te betaole
Kom geef miech dien hand iech bin verleef en wie.

Couplèt:

Diech zaots mèt Vastelaovend op e benkske in Mestreech
Dien traone zaog iech sjittere oonder ’t staareleech
Iech waor oonderstebove kraog kriebels in de maog
Iech zag 'leef keend kom dans mèt miech noe naor de regebaog.

 
 

 

kikker Office

kontak opneume

Bankrelatie: Rabobank NL29RABO0159141419

KvK 51445433

Cv de Kikkers gebruiken alleen technische en functionele cookies en analytische cookies die geen inbreuk maken op uw privacy.

Sociale media

Copyright

Copyright © 2021 Cv de Kikkers. Alle rechten voorbehouden.