Off Canvas

 

prinse en prinsesse

vaan 1968 tot hede, 1982, waor `n speciaol jaor!!, in dit jaor hadde de kikkers veur de ieste kier `n prinsepaar. `T jaor daonao (1983 + 1984) weer `ne prins, mè vaanaof 1985 alein nog mer prinsepare

05 januari 2012 in `n bomvol kikkertempel oetroping vaan de kikkers 45 ste Jäög prinspaar vaan Heugem & Randwijck

 

Prins Mitchell d’n Ierste

Heer is gebore op 2 augustus 1999 in ut AZM te Mestreech en kraog de naome Mitchell Nicolaas Elisabeth Jongen mèt.
Heer woent mèt zien awwers Nico en Bettina en zien zusterke Lindsay aon de Menthabeemd 9 te Heugem-Mestreech.
Heer heet unne knien genaomp Stitch en unne goudvès genaomp Blub.
Heer heet twie jaor op de peuterspeulzaol ut St. Micheälke gezete daonao twie jaor op de Anne Franksjaol, drei jaor op de Mgr. Hanssensjaol te Hoensbroek en noe zit heer in de sjaolverlaotersklas SBO de Opstap.

Zien groetste hobby’s zien voetballe op straot en bij RKHSV D1, zwumme, op vakantie goon; ut leefs nao un hotel met un Aqua Park, compjutere en speulserkes speule op ziene Playstion 3.
Heer is unne groete fan vaan Ajax en Real Madrid.
Heer heet altied gooj zin en is altied vreug op; ouch es heet laat nao bed geit, hèlt vaan carnaval veural es heer es zwerver verkleidt kin goon, hèlt gere zien zusterke en aandere veur de gek. In alles wat heer deit is heer zier secuur.
Heer kin slech tege zien verlees bij ut voetballe en nao sjaol goon vindt heer ouch neet altied eve leuk. Wel is heer gruuts op de gooj punte die heet op sjaol haolt.
Zien broed dat heer met nao sjaol kreig vindt heet neet lekker en dat it heer dus ouch neet op. Heer is un echte snópkoont.


Prinses Versjenie

Zie is gebore op 22 oktober 2000 te Heugem en kraog de naome Versjenie Anna Frederique Evers mèt.
Häöre bijjnaom is Rat.
Zie woent mèt häör awwers Robert en Miriam en häör zusterke Marie aon De Distele 7 te Heugem-Mestreech.
Zie heet un hamster genaomp Rambo.
Zie zit bij de BSO de Opstap groep 7 op sjaol.
Häöre groetste wins: prinses weure bij CV de Kikkers oet Heugem-Randwiek.

Versjenie is un vrolijk en opgewèk meitske dat good häör “vruiwke” steit.
Un meitske dat gere met häör vrundsjes en vriendinnekes boete op straot späölt; ech un meitske vaan de straot.
Boe ze neet tege kin is dat iemes gepèst weurt; zie nump ut daan geliek veur dee persoen op.
Vastelaovend zit häör in ut blood, es baby ging zie al met in de kinderwagel op stap. Vaanaof de elfde vaan de elfde beginne bij häör de vastelaovendskriebels al.
Drei daog aon ein stol fieste is veur häör gein probleem, nao hoes is ze neet te kriege en es op carnavalsdinsdag d’n Haofdabber umliech kump höbste un lake nudig um häör te truuste. Zie heet ein minpuntsje: zie kin hiel good rotzooi make; en opruime is neet häör sterkste punt.

 

Vendaog höb iech geine tied (Noël Fabry & Raymond De Pauw)

Couplèt:
Bij us in de gooj kamer is 't einen oonderein
pekskes, pruke, alles ligk doorein
de dikke zjiem steit neve d'n tv
confetti vinste zelfs op de plee
Op d'n dressoir steit in de stöb gesjreve:
Wat e gelök um hei te mage leve..!!

Refrein:
Vendaog höb ich geinen tied
um te pótse, um te koke, veur de striek
want noe is 't weer zoe wied
um te springe veur de ketelemeziek
Vendaog höb iech miech belaof
-en dat nump miech geine aof-
tot es 't asselegoonsdag is
iech vaan dee Vastelaovend gaar niks höb gemis..........

Couplèt:
't Huteke vaan ama kump ouch noe weer good vaan pas
en vaan ampa is dee slippejas
Die sjoen kalbas waor vreuger vaan tant Nie
deen hoege zije vaan miene noonk Pie
Vaan keends aof aon is 't us mètgegeve:
Wat e gelök um hei te mage leve..!!

Refrein:
Vendaog höb ich geinen tied
um te pótse, um te koke, veur de striek
want noe is 't weer zoe wied
um te springe veur de ketelemeziek
Vendaog höb iech miech belaof
-en dat nump miech geine aof-
tot es 't asselegoonsdag is
iech vaan dee Vastelaovend gaar niks höb gemis..........(2x)

 

kikker Office

kontak opneume

Bankrelatie: Rabobank NL29RABO0159141419

KvK 51445433

Cv de Kikkers gebruiken alleen technische en functionele cookies en analytische cookies die geen inbreuk maken op uw privacy.

Sociale media

Copyright

Copyright © 2021 Cv de Kikkers. Alle rechten voorbehouden.