Off Canvas

 

prinse en prinsesse

vaan 1968 tot hede, 1982, waor `n speciaol jaor!!, in dit jaor hadde de kikkers veur de ieste kier `n prinsepaar. `T jaor daonao (1983 + 1984) weer `ne prins, mè vaanaof 1985 alein nog mer prinsepare

`T waors dit jaor weer errig spannend, Oetgerope op Zondag 1 fibberwari 2015 in `ne bomvolle kikkertempel

 

Prins Bradley 1e

is bekans 10 jaor en lierling vaan gróp 6 op Kindcentrum Anne Frank. Zien hobbie`s zien o.a game, speulserkes en voetballe bij RKHSV. In ut burgelek leve luustert heer nao de naom Bradley Bodden en is zoon vaan Mariëlle Bodden-van Oppen en breurke vaan Mitchell en Dayweigh. Ut vastelaovendsblood heet heer o.a vaan ziene pa dee ouch Prins is gewees. Same mèt de hond Breur woene zie op Bolderikweerd.

Prinses Lieve 1e 

is bekans 11 jaor en is häöre sjaoltied begós op de poetespeulzaol “ `t Miecheelke” bij juf. Marlies, noe zit ze in gróp 7 vaan Kindcentrum Anne Frank. Häör hobbie`s zien o.a. voetballe bij ut meidskes- team MD1/RKHSV, speulserkes doen , sjaatse, zwummen en in de vekanties kamperen mèt heur mam en zuster. In de Vastelaovendstied geit zie altied op stap mèt zaat hermenieke “Tête de Veau” In ut burgelek leve is zie Lieve Poolen en woent mèt häör mam Maddy en häör groete zus Merel en de twie cavia`s Bo en Dibbie op De Beente.

 

 

 

Weurs nao Klara (Jean en Jack Debruin)

Koeplèt:
Eus pekskes die zien veerdeg,
De prins is al bekind.
Nui glazer stoon in doeze,
De cent die zien gepind.
Meh ein dingk is neet zeker,
Dao is niks aon te doen,
Dus goon veer nao de slachter,
En vraoge gans gewoen …..

Refrein:
Wee bringk nog ’n weurs nao Klara?
Die beijt daan veur good weer.
Wee bringk nog ’n weurs nao Klara?
Zoe stumpke heet zie toch zoe geer.
Kriege veer daan zon of rege?
Klara deit dat op häör meneer.
En höbbe veer die daog good weer gehad,
Bring iech ’t koumend jaor Weer e weurske nao dee sjat !

Koeplèt:
De sjmink ligk op d’n aonrèk,
En pruke zien gekoch.
Mestreech is d’r weer klaor veur,
Get sjoens hingk in de loch.
Meh ein dink is neet zeker,
Dao is niks aon te doen.
Dus goon veer nao de slachter,
En vraoge gans gewoen …..

 

kikker Office

kontak opneume

Bankrelatie: Rabobank NL29RABO0159141419

KvK 51445433

Cv de Kikkers gebruiken alleen technische en functionele cookies en analytische cookies die geen inbreuk maken op uw privacy.

Sociale media

Copyright

Copyright © 2021 Cv de Kikkers. Alle rechten voorbehouden.