2021 waor `n raar jaor, door `t oetbreke vaan `t virus Covid 19 (Corona) in februarie/maart 2020 koste ver door de strenge maotregele gein nuij prinsepaar oetrope in seizoen 2021.

Daorum is beslote dat `t prinse koppel vaan 2020 prins Rafael d`n ierste en prinses Sem d`n ierste in de verlenging ging ès Corona prinsepaar prins Rafael d`n twiede en prinses Sem d`n twiede.

 

 

 

Prins “ RAFAEL 2de 

vaan de Electronstraot, lienhier vaan SBO de Talententuin, oonderdeil vaan sjaole gemeinsjap Mosa, besjermhier vaan de speulers JO-IO vaan VV Scharn

Prinses “SEM 2de 

Graovin vaan de Heugemerstraot, hittepetit vaan `Kindcentrum Anne Frank` “Besjermvruiwke” vaan de voetbal-meidskes vaan RKHSV en speciaol de speulers vaan JO10-2 , woorte oetgerope um es zoedaoneg de jäög vaan Heugem/ Randwyck en wied dao boete, veur zalle goon in de Vastelaovend vaan 2020.


Prins “RAFAEL 2de  is bijnao 11 jaor en zit in gróp 7 vaan SBO de Talententuin, oonderdeil vaan sjaole gemeinsjap Mosa Lira.
Ein vaan zien groetste hobbie`s is voetballe. Heer späölt bij vv Scharn JO 11. Wijer gamen op de playstation, ravotte op straot en ut viere vaan de jaorlekse Vastelaovend,
Heer luustert nao de naom Rafael Biesmans en woent mèt zien pap en mam (Bjorn Biesmans en Denise Moust), in de Electronstraot in Hier.
Veurtot heer bij de Kikkers is gekoume waor heer lid vaan de Sjraveleers.

Prinses “SEM 2de  is 10 jaor en zit op Kindcentrum Anne Frank, oonderdeil vaan sjaole gemeinsjap Mosa Lira, in gróp 6 bij Juf Chantal. Häöre groete hobbie is voetballe, zie späölt bij RKHSV JO-10, wijer Tiktok danskes oetperbere op speciaole meziek. Aofspreke mèt vrundsjes en vrundinnekes is heur neet vreemp.
In ut börgelek leve luustert zie nao de naom Sem Pieters woent met häör pap en mam (Donny & Sabrina) en brood Milan in de Heugemersstraot.
Haore pa waor in 2016 Prins Donny 1e vaan cv. de Waterratte en haor broor in 2018 es Milan 1e bij cv. De Kikkers.

 

 

Us Mestreechs (Erwin Lennarts & Patrick Ummels)

 

Refrein:

Iech sjrijf 't zus
Heer sjrijf 't zoe
Veer goon toch neet nöddele
Iech zing 't zus
Heer zingk 't zoe
Es Mestreech noe mer blijf sjöddele
Iech zègk 't zus
Heer zeet 't zoe
't Kin us niks verrèkke
't Is Mestreechs toch? Zoewiezoe!

Couplèt:

Iech loup in d'n optoch
en iech in de cortège
Zaot vreuger op mezieklès
en iech lierde solfège
Zing iech dat wel zuver?
Moot dat neet propel zien?
Die dissonante toene,
die mage d'r wel zien!

Brögk:

't Kin dus ouch gebäöre
tot iech miech ins verdaol
Zoelang 't mer gein Huilands is
spreek dien Mestreechter taol