Miriam Lambrechts gewaardeerd lid en sikkertaris vaan jäögvereiniging Cv de Kikkers wint `t ‘Lèneke’
`T Lèneke is `n oondersjeiing dee allejaors weurt oetgereik aon `ne vrijwèlleger dee zich heet ingezat veur de ‘Mestreechter vastelaovend’.
De pries, `n bronzen pesteurke vaan kunsteneer Wil van der Laan, is vernömp naor de in 2012 overleije accordeoniste/zangeres Lenie Menten
Jaorelaank verzörgde Miriam ’t sikkretariaat vaan de Kikkers.
Boete häör take es sikkretaris, pak zie nog väöl (soms té väöl) aander take op häör sjouwers.
Bij ’t oetrope vaan us prinsepaar, de kindermiddag in Heugem, de Groete optoch in Mestreech op vastelaovendszoondag,
optoch in Heugem op maondag, de jaorlijkse Halloweentoch in Heugem, en nog mie activiteite is Miriam te vinde es stèlle,
mer onmisbare krach. Achter de sjerme, want zie hoof neet te zier op de veurgroond.
Altied zèt zie zich in um de vastelaovend en aander sjoen activiteite door te geve aon de jäög vaan Heugem en Mestreech.
Wie de Kikkers veurig jaor same mèt de Tempeleers ’t ierste Mestreechs jäögprinsepaar oetrepe, waor Miriam nauw bij de organisatie betrokke.
Ouch dit waor soms zwoer, umtot ’t zoewel veur us, es veur de Tempeleers, e gans nui concep waor.
Mer Miriam deit dit alles mèt väöl plezeer. Bij häör thoes zien daan ouch diverse beeldsjes vaan Kikkers te vinde.Häör döchters, Marie en Versj, waore prinses vaan de Kikkers in 2008 en 2012.
Inmiddels volwasse, zien zie ouch vrijwilliger bij us vereiniging. De nui ginneratie, klaor um ’t stekske euver te numme.
Miriam stop nao dit seizoen es bestuurslid, mer blijf netuurlijk bij de Kikkers.
Iech dink tot ’t Lèneke ’n sjoen bliek vaan waardering zow zien, veur alle werk wat zie al die jaore verzat heet.
